Tanî Estanikî û Deyîrê Ma

Wanê yew wextê di yew zemanê di, rocê rocan miyan di yew mêrdimo zav tembel bî, tira kar nêamênî, timû ano geyraynî; panc qurişî çî qazanmîş nêkerdînî. Eno mêrdim rocê vecêno çarşû ki yew carmêd daşta yeno, hel-hela û şematê cê yo. Goşê xwi ser nano wano veyna çi yo. Goş ser nano ki ay carmêd wano “Yew keyna mina zav rind û temîzi esta feqet yew mêrdim beyndê mi nêkweno ki ez ena (ina) bider da, tiro mare ka ki a zî wa pa vindo ew (ow) o zî wa pa vindo”.