Mi Şêx Seîd Dî

“Şarê inî cayanê ma heme yewfek bi. Qezay ma Maden bi. Verî ma vist Madenî ser, ma Maden girot. Ma ki Maden girot, ma di-hîrê rojî weyra mendî. Ma da-des hebî neqlî ronay, heb girêna; ma eskeranê Şêxî ay hebikî dekerdî çantandê xwi. Ma ay werdînî. Serekê ma îlerîgelanê ma bî. Mîrey Gêlî bî, axay Pîranî bî. Wir ca di, pîlê ay cayan bî. Şîyayîşê ma ra ver, hukmatê tirkan nizdî panc sey ten şarê hetê Adîyemanî ardbi Maden ki nêverdî ma Madenî bigîrî. Ma ki şî, ê pey beran di mendî. Zav banê ki ma tede bî, weranê jînî vatînî ‘Ayê ki şima ra ver vernîya şima di roniştî ki şima bikişî, ha pey berî di'. Ay dekerdîbî pey beran, nêewtanaynî jînî verradî. Ay heme teslîm bî.”